АКРИЛИК БУДАГ АШИГЛАХ АРГА (Анхлан сонирхогчдод зориулав) Акрилик будаг нь зураг урлалд ашигладаг зурах үед хурдан хатдаг төрлийн будаг бөгөөд усан суурьтай болон хуурай гэсэн 2 төрөл байна. Хуурай төрлийн акрилик нь ашигласны дараа усанд тэсвэртэй чанартай байдаг. Хэрвээ та анхан шатны мэдэгдэхүүнтэй бол хэрхэн ашиглах талаар манай нийтлэлтэй танилцаарай.
Та анхлан суралцаж байхдаа АКРИЛИК будаг хэрэглэх гэхээр хэрхэн хэрэглэхийг мэдэхгүй байх, ямар төрлийн будаг худалдан авахаа бас мэдэхгүй байх гэх мэт асуудлуудтай тулгарч байж магадгүй юм, учир нь маш олон төрлийн брэнд, өнгө, сонголтууд байдаг.
Гэхдээ бүү ай! таны хэрэгцээ, төсөвт тохирсон АКРИЛИК (Acrylic) будгийг олоход бид тусална.
Акрилик будгийг худалдан авахдаа чанар, өнгө, тогтоц, зуурамтгай чанар, хадгалах хугацаа, брэнд зэргийг анхаарч үзэх хэрэгтэй.
Чанар
Та акрилик будгаа хоёр ангиллаар худалдаж авч болно:
Нэгдүгээрт: Зураачийн өнцгөөс
Хоёрдугаарт: Суралцагчдын өнцгөөс
Уран бүтээлчдийн хэрэглэдэг чанартай будаг (заримдаа “мэргэжлийн” гэж нэрлэдэг) нь маш олон төрлийн өнгөтэй, нарийн нунтагласан пигментийн өндөр агууламжтай, мөн чанар сайтай байдаг.
Анхан шатны буюу суралцагчдын хувьд үнэ арай хямд, сонголт нь бага, пигментийн түвшин бага, өнгөний бат бөх чанар сулавтар байж болно. Энэ хоёрын ялгаа нь зөвхөн хэрхэн хийгдсэн эсвэл ямар брэндийн гэдэгтэй тийм ч холбоотой биш юм.
Гол ялгаа нь зураачид акрилик будаг ашиглах үед өнгө нь илүү тод , жигд гаралттай байдаг учраас будгуудыг хольж, давхарлан будахад хялбар байх үүднээс юм.
Хэрэв та анхлан суралцаж байгаа бөгөөд төсөв мөнгөний хувьд арай хямд будаг хайж байгаа бол суралцагчдын чанартай будгаар эхлэх нь зөв, гэхдээ зурсан зургаа илүү удаан хадгалахыг хүсвэл уран бүтээлээ урлаж эхэлмэгцээ зураачдын өнгөөр давхарлан будаж болох юм. (ялангуяа та уран бүтээлээ зарах гэж байгаа бол) .
Мөн зарим зураачид суралцагчдын будгаар эхэлж будаад, дээрээс нь мэргэжлийн чанартай будаг хэрэглэх зэргээр мөнгө хэмнэдэг байна
Өнгө
Акрилик будгийн хувьд толгой эргэм олон тооны өнгө байдаг. Хэрэв та анхлан суралцагч бол доорх 10 өнгөнөөс эхлээрэй. Акрилик будаг ашиглах үед шаардлагатай бол бусад өнгө үүсгэхийн тулд доорх өнгүүлээс хольж гаргаж болно.
Анхлан суралцагчдад зориулсан өөр нэг сайн сонголт бол АКРИЛИК (Acrylic) БУДГИЙН БАГЦ-с эхлэх явдал юм .
Анх удаа хэрэглэх гэж байгаа хүмүүст яг ямар будаг авах тал дээр хэт их бодож цаг зарцуулахгүй байсан нь дээр байдаг Тиймээс та зүгээр л зурж эхэл !
Хэрэв та зураачдын чанартай будгийг худалдаж авахыг хүсэж байгаа бол зарим өнгө нь бусдаас хамаагүй үнэтэй болохыг анхаараарай (Мэдээж акрилик будаг тосон будгаас хамаагүй хямд байдаг).
Учир нь зарим пигментийг олж авахад маш хэцүү байдаг. Зарим үйлдвэрлэгчид будгуудаа ” цуврал “-ын дагуу ” 1 ” нь хамгийн хямд, ” 7 ” нь хамгийн үнэтэй гэж ангилдаг. Өөрөөр хэлбэл газрын өнгө хамгийн хямд байдаг бол кадмиас гаргаж авсан өнгө нь дөрөв дахин өндөр үнэтэй байдаг!
Зарим брэндүүд синтетик пигментээр солих замаар хямд сонголтыг санал болгодог боловч тэдгээрийн тогтоц муу зэрэглэл багатай, өнгөний эрч хүч бага байх магадлалтай.
Та дангаараа эсвэл ердийн будагтай хольсон пигмент агуулсан флюресцент эсвэл гялалзсан будаг гэх мэт “онцгой өнгө” сонгож авах боломжтой . Эдгээр пигментүүдийн зарим нь байнгын биш тул хэрэв та туршилт хийхээр шийдсэн бол үүнийг санахад илүүдэхгүй.
Тогтоцтой байдал
АКРИЛИК (Acrylic) будаг нь гэрлийн бат бөх чанар гэж нэрлэгддэг тогтоцтой байдал нь гэрэлд өртөх үед будаг дахь пигмент аажмаар бүдгэрэхийг эсэргүүцэх чадварыг хэлдэг. Цаг хугацаа өнгөрөх тусам арилдаг пигментүүдийг ихэвчлэн оргосон өнгө гэж нэрлэдэг.
Ихэнх АКРИЛИК (Acrylic) өнгө нь тос эсвэл усан будгаас хамаагүй өндөр тогтвортой байдлын үнэлгээтэй байдаг нь хүмүүсийн акрилик будагт дуртай байдаг бас нэг шалтгаан юм!
Будаг сонгохдоо гэрлийн бат бөх байдлын зарим стандартыг анхаарч үзэх хэрэгтэй. ASTM International (өмнө нь Америкийн туршилт, материалын нийгэмлэг гэгддэг) 20 жилийн галерейн зургууд дээр хийсэн туршилтын үндэслэл дээр зураачдын өнгийг ангилдаг.
ASTM тогтвортой байдлын стандарт
ASTM I = Гэрэлд маш сайн тэсвэрлэх чадвартай
ASTM II = Гэрэлд сайн тэсвэртэй
ASTM III = Гэрэлд тэсвэртэй биш
Үйлдвэрлэгчийн ердийн стандарт
**** эсвэл АА = Байнгын өнгө
*** эсвэл A = Бат бөх өнгө.
** эсвэл B = Дунд зэргийн бат бөх өнгө.
* эсвэл C = Оргосон өнгө
Хэрэв та дадлага хийх эсвэл туршилт хийхгүй бол зөвхөн маш сайн гэрлийн эсэргүүцлийн үнэлгээтэй будгийг ашиглахыг зөвлөж байна.
Зуурамтгай чанар
Зуурамтгай чанар нь будгийн тогтоцтой байдал мөн өтгөн зузаан байдлыг хэлнэ. Өтгөн, тосорхог байдал нь (тосон будагтай төстэй) бийрийн товшилтод тэсвэртэй бөгөөд шингэлттэй, өнгө холих, будах ажлыг хөнгөвчилдөг. АКРИЛИК (Acrylic) будгийг ашиглахдаа хуурай бийр хэрэглэвэл тохиромжтой.
Аль төрлийг худалдаж авах нь таны зургийн хэв маяг, хувийн сонголтоос хамаарна. Зарим зураачид нэг зураг дээр хэд хэдэн төрлийг ашиглаж болох ч хэрэв та дөнгөж эхэлж байгаа бол илүү түгээмэл АКРИЛИК (Acrylic) будгаар эхэл , учир нь тэдгээрийг усаар эсвэл шаардлагатай бол шингэлж болно.
Хатаах хугацаа
Олон зураачид акрилик будгийг илүүд үздэг учир нь тэд маш хурдан хатдаг.
Нэмж хэлэхэд хэрэв та зотон дээр будгийг хольж өнгө гаргахыг хүсвэл хурдан хатдаггүй чийгтэй будаг хэрэглэх нь илүү хялбар байдаг.
Будгаа хурдан хатаах дуртай уран бүтээлчид АКРИЛИК (Acrylic) будгийн олон талт байдал, удаан хадгалагддаг чанарыг илүүд үздэг байна.
Брэнд
Зарим брэндүүд бусдаасаа илүү байдаг, гэхдээ дээд түвшний үйлдвэрлэгчдийн тухай ярихад энэ нь үнэхээр хувийн сонголтын асуудал юм. Миний доор жагсаасан брэндүүд нь нэр хүндтэй, найдвартай.
Эхэндээ та төсвөө хэмнэх хэрэгтэй байж магадгүй (зарим нь нэлээд үнэтэй байдаг) гэхдээ эцэст нь та өөрт таалагдсан брэндийг олохын тулд хэд хэдэн өөр брэндийг туршиж үзэх хэрэгтэй болж магадгүй юм.
Олон жил зурсан зураачаас асуухад түүний дуртай брэндүүд бол Yalong, Golden болон Loquitex гэж хэлж билээ.
Та yalong брэндийн акрилик будгийг shogol.mn сайтаас худалдан авах боломжтой
Акрилик будаг нь олон төрлийн гадаргуу дээр ажиллаж, зурж болдог хамгийн түгээмэл ашиглагддаг будаг юм. Ихэвчлэн хоост буюу зотон материал дээр зураг зурдаг. Зураг зурахдаа юу анхаарах тал дээр бяцхан нэмэлт зөвлөгөө хүргэе:
– Зураг зурахын өмнө усны бяцхан сав, будаг шахах палитр (будгаа шахах бэлдэц) бэлтгэнэ.
Жижиг саванд усаа бэлтгэж, будгаа бага багаар шахаж хийнэ.
Акриликыг усаар бага зэрэг шингэлж буддаг.
1. Акрилик нь шахаж гаргасны дараа 5- 10 минутад хурдан хатдаг учир тааруулж багаар шахаж, шахсан будгаараа хурдтай ажиллах хэрэгтэй.
2. Зурах явцдаа 3 өнгөнөөс дээш өнгө хольсон тохиолдолд саармаг өнгө үүсэх тул хэт олныг холихгүй байх хэрэгтэй.
Нэг өнгөнөөс шингэн өнгөнөөс гүн өтгөн өнгө хүртэл дагнасан 7-с дээш уусгалттай өнгө үүсгэх боломжтой.
Шар өнгө нь өнгийг хиртүүлдэг учир олон өнгөтэй хольдоггүй.
3. Богино хугацаанд хатдаг учир давхарлаж будах, фактур үүсгэх зэргээр янз бүрийн туршилт, ажиллагаанууд хийж болдог давуу талтай.
4. Зургаа зурж дууссаны дараа бийрээ хатахаас өмнө будгийг арилтал усаар угааж цэвэрлэж тавина. Будаг нь арилахгүй байгаа тохиолдолд савантай усаар угааж болно. Акриликаа сайн таглагдсан эсэхийг шалгаж тавиарай
5. Акрилик зураг нь хатсаныхаа дараа усанд норж уусдаггүй учир зургийг жаазлах, шиллэх шаардлагагүй, чийгтэй алчуураар арчиж цэвэрлэж болдог, эдэлгээ, хадгалалт сайн даадаг давуу талтай.
Гэр бүлээрээ хамтдаа зураг зурж урлагийн мэдрэмжээ хөгжүүлэх нь улам бүр нэмэгдэж бийр, будгаа хэрхэн ашиглах талаар асуултууд байнга ирж байгаа тул товч зөвлөмжийг танд хүргэлээ
Зургийн багцын иж бүрдлийг худалдан аваад 14 хоногийн анхан шатны үнэ төлбөргүй онлайн сургалтад хамрагдаарай
Зургийн багц авах бол энэ линк дээр дараарай